Алдағы екі жылда әлемдік экономиканың өсу деңгейі тежеледі. Халықаралық валюта қоры осындай мәлімдеме жасады. Болу ықтимал дағдарыс Қытай, Үндістан сияқты алып елдердің экономикасын шатқаяқтатады деген де жорамал бар.

Қордың болжамына сенсек, ғаламдық экономиканың өсу деңгейі биыл межеленген 4,5-ға емес үш пайыздан сәл ғана асады. Ал, 2013 жылы ол төрт пайызға жетіп жығылады. Германияның экономикасы биыл 0,3, келесі жылы 1,5, ал, Францияныкі 0,2 және 1 пайызға ғана өседі деп болжанып отыр.

БҰҰ-ның бас хатшысы Пан Ги Мун Африка елдерінің басшыларын гейлер мен жыныстық ұстанымы өзгеше адамдарды кемсітпеуге шақырды.

Кеше Эфиопияның астанасы Аддис-Абебада өткен Африка Одағы елдерінің саммитінде сөйлеген Пан Ги Мун "гейлерді екінші деңгейдегі адамдар немесе қылмыскерлер деп санауды қою керек" деді. Оның айтуынша, Африка елдері өздерінде ұзақ уақыт жыныстық бағыты өзге адамдарды кемсіту мәселесі жоқ деп келген, тіпті ол тақырыпта сөз болмайтын. Әйтсе де, бас хатшы Африка елдеріне мұнымен күресудің қиын болатынын жеткізді. Пан Ги Мунның бұл мәлімдемесіне Африка елдерінің жетекшілері әзірге ешқандай пікір білдірген жоқ.

Көптеген АФрика елдерінде өзгеше жыныстық бағытты ұстануға тыйым салынған және шіркеулерде оған қарсы насихаттар жүргізіледі.

Екі күнге созылатын саммитте Африка Одағы елдері комиссиясының жаңа басшысы сайлануы керек.