"Қазақстандық вагон құрастырушы компания" ЖШС 2012 жылдың соңына дейін 30 млрдтеңгеге 2251 жартылай вагон шығармақ, деп хабарлады "Интерфакс-Қазақстанға" кәсіпорынның директоры Дүйсембай Дүйсенов.

"Өткенжылы 74 млн теңгеге 5 жартылай вагон ғана шығарылды, жоспар бойынша 8,8 млрд теңгеге 661 жартылай вагон шығару керек болатын", деді ол.

Оның айтуынша, жоспардың орындалмауына көлемді вагон құймаларының жеткізілмеуі және оның отандық өндірушілерінің болмағандығы себеп болған."Биыл Ресеймен Қытайдан 2251 вагонға лайық құймалар әкелінеді", деді ол.

Кәсіп орынға барған "Қазақстан темір жолы" ұлттық компаниясының президенті Асқар Маминнің айтуына қарағанда, Қазақстанда құйма шаруасы жолға қойылатын болады.

"Қазақстандық вагон құрастырушы компаниясы" ЖШС-не келер болсақ, мұнда 700 –ге дейін адам жұмыс істейтінболады", деді ол.

Қазақстандық вагон құрастырушы компаниясы 2008 жылы 1-желтоқсанда құрылған болатын.